କଣ୍ଢେଇ ଗଢ଼ାଳିର କଥା

କେବେ ଶିଖେଇ ନାହଁ
ଭାଙ୍ଗିବାର ସରଳ ବୀଜ ଗଣିତ
ଶିଖେଇଥିଲ,
ଭାଗଭାଗ ହେଇ ଏଣେତେଣେ ପଡିଥିବା କଣ୍ଢେଇର ଅବଶିଷ୍ଟାଂଶ ପାଇଁ ଜଟିଳ ପାଟିଗଣିତ l

ଯୋଡିବା ଦୂରେ ଥାଉ,
କିଏ ଶୁଣୁଛି?

ଆହୁରି କେମିତି ଚାରି ଟୁକୁରା,
ଆଠ ଟୁକୁରା ହବ, ସେଇ ଯୋଜନାରେ ବ୍ୟସ୍ତ l

କାହାକୁ ତର ଅଛି, ଶୁଣିବାକୁ ଭଲ କଥା l

ଏମିତି କ ‘ଣ ଅଧର୍ଯ୍ୟ ହେଲେ ଚଳିବ!

ତଳେ ପଡିବାକୁ ଦିଅନି
ଆଖି କୋଣରେ ଟୁଳୁଟୁଳୁ ହେଉଥିବା ଲୁହ
ଯେଉଁମାନଙ୍କ ପାଇଁ ଢାଳି ଦେଇଛ ଆର୍ଶିବାଦ
ଏ ଲୁହ ପଡିଲେ, ତାହା ପାଲଟିଯିବ ଅଭିଶାପ l

ଯାହାକୁ ତୁମେ ଵାଆଁରା ଭାବୁଥିଲ
ଏବେ, ସେ ତୁମ ଅଲକ୍ଷରେ
ଯୋଡିବାରେ ବ୍ୟସ୍ତ ସେଇ କଣ୍ଢେଇମାନଙ୍କୁ
କେତେକ ହେଲେଣି ଚାଳଚଞ୍ଚଳ
ନିଜେନିଜେ ଯାଇ ବାନ୍ଧିହେଲେଣି
ତୁମ ଆଙ୍ଗୁଠିରେ ଥିବା ଦରଛିଣ୍ଡା ସୂତାରେ
ମନେପକେଇ ଦେଲେଣି ସଂଳାପ କାରକୁ
ଦୃଶ୍ୟା’ନୁଯାଇ ଲେଖିବାକୁ ସଂଳାପ
ସଙ୍ଗୀତନିର୍ଦେଶକକୁ ନେହୁରା ହେଲେଣି
ଆନ୍ତରାଳରୁ ଆଳାପ କରିବାକୁ ପ୍ରଚ୍ଛଦସଙ୍ଗୀତ ଳ

ଏଥର ମୁହଁରେ ହସ ଖେଳାଅ
ହେ ପ୍ରଚ୍ଛଦପଟ୍ଟର ମହାନାୟକ,
ଦେଖ, ତୁମ କଣ୍ଢେଇଙ୍କ ଚଳଚଞ୍ଚଳ
ଦେଖିଯାଅ,
କେମିତି ଯୋଡିହୋଇଗଲାଣି
ଖଣ୍ଡଖଣ୍ଡ ହେଇଯାଇଥିବା ତୁମ କଳ୍ପିତ କଣ୍ଢେଇଘର l

ଏ କଣ୍ଢେଇଘର କ ‘ଣ କି

ତୁମ ଆମ ଘର

ଆମେ ସବୁ ଅଭଙ୍ଗା କଣ୍ଢେଇ
ଚାଲୁଥାଉ ମନଇଛା
ଅବାଟ କୁ ଭାବି ବାଟ l

କଣ୍ଢେଇ ଗଢୁଥିବା ସେଇ ଲୋକ କିଏ କି
ତୁମ ବାପା
ମୋ ବାପା
ସାରା ସଂସାର କୁ ବାଟ ଦେଖାଉଥାଏ,
ଯାହାର ବୁନ୍ଦାବୁନ୍ଦା ଝାଳ l

ଆସ କଷିବା
ବୀଜଗଣିତ ହେଉ କି ପାଟିଗଣିତରେ
ସେଇ ଝାଳର ମହାମୁଲ l

ସା /ପୋ :-ଗୁଲନଗର , କେନ୍ଦ୍ରାପଡ଼ା, ପିନ୍:-୭୫୪୨୧୧
ଦୂରଭାଷ:-୮୨୬୦୩୯୭୪୮୦